من يامن الدنيا غشيم وجاهل

السلام عليكم ورحمة الله وبركاته

صباح الخير للجميع

أبيات جديده أتمنى أن تتقبلها نفوسكم جميعا وتليق بحضوركم

//

،،

يا ليل خبر خاطري عن خلي

.......................مدام مالك غير عيني خوّه

وخبر ضلوعن هزها له طاري

..................وارحم جريحن واضحن به سوّه

وافزع مثل فزعة شجاعن وافي

.....................من دون ربعه ما ذخر له قوّه

واقبل عتابي دامني لك صاحب

.......................وقّدر مزاج اللي تعكر جوهّ

ياليل أنا قد لي معك ماريه

......................ناري وفنجال السهر وخلوّه

وصدق المعاني في صدى من قفى

....................غرون شعقني في غيابه نوّه

يرزم علي في كل ليله مقبل

.....................موتي دنى وأراقبه فـ علوّه

أخايله وأقول يالله يمطر

......................يارب قلبي من وصاله روّه

يارب مالي عن هوى محبوبي

.....................إلا الجفا يكوي حشاي بضوّه

يارب سترك من عذاب الدنيا

.................والطف بحال الوقت وأطيب خوّه

وارحم دروب اللي دروبه ضاعت

....................وقامت هواجيسه تلاعب توّه

من يامن الدنيا غشيم وجاهل

......................والوقت ما يرحم قليل مروه

والحب ذنب اللي مشاه وعاشه

.........................ما ينفعه لو قال لو ولوّه

والصبر مفتاح الفرج للصابر

........................والبعد قسمه وآيته متلوّه

أنا خذيت من الليالي خبره

...................وخذيت مع طيف الهموم جروّه

لكن مع آخر ما كشف لي حظي

...................عرفت يا صعب النصيب وشوّه

وإن المقدر لو تهرب صابك

.....................وحبل التخيّل في التخيّل طوّه

وأرضى بمكتوبك وعش بأيامك

.....................العمر ما تضمن تعيش غدوّه

وأمدح مع الأيام فالن جالك

.......................يطيب وتلقى فالحياه رهُوّه

هذا بعض ما جدت في تحصيله

.......................وأملاه فكرن فالقصيد مفوّه

قدم لكم من تجربته حروفه

......................وأبدى خفاه اللي جفاه بقوّه

بقلم( أبــو الـمــجــد

» حادث غشيم.حي نمار((محطه التيسير
» احب اليّ من كل الدنيا!!